ചേളാരി: സമസ്ത നൂറാംവാർഷിക അന്താരാഷ്ട്ര മഹാസമ്മേളനം വൻ വിജയമാക്കാൻ സഹായിച്ച പ്രവർത്തകരെ സ്വാഗതസംഘം ഉപഹാരംനൽകി ആദരിച്ചു.
ഫെബ്രുവരിയിൽ കാസർകോട് കുണിയ വരക്കൽ മുല്ലക്കോയ തങ്ങൾ നഗരിയിൽ നടന്ന സമ്മേളനത്തിന്റെ ചരിത്രവിജയത്തിനുപിന്നിൽ പ്രവർത്തിച്ചവരെയെല്ലാം ചേളാരി മുഅല്ലിം ഓഡിറ്റോറിയത്തിൽ നടന്ന സ്വാഗതസംഘം സമ്പൂർണ യോഗം അഭിനന്ദിച്ചു.
സമ്മേളനത്തിന് നേതൃത്വംനൽകിയ സ്വാഗതസംഘം ചെയർമാനും സമസ്ത പ്രസിഡന്റുമായ മുഹമ്മദ് ജിഫ്രി മുത്തുക്കോയ തങ്ങൾക്ക് മുശാവറ അംഗങ്ങളും സ്വാഗതസംഘം ഭാരവാഹികളുംചേർന്ന് ഉപഹാരംനൽകി.
