കൊണ്ടോട്ടിയില് ലഹരി വേട്ട; ഏഴ് കിലോ കഞ്ചാവുമായി രണ്ട് അന്തർ സംസ്ഥാന തൊഴിലാളികള് പിടിയില്
കൊണ്ടോട്ടി: വില്പനക്കായി കൊണ്ടുവന്ന 7.2 കിലോഗ്രാം കഞ്ചാവുമായി രണ്ട് ഇതര സംസ്ഥാന തൊഴിലാളികളെ കൊണ്ടോട്ടി പൊലീസ് പിടികൂടി. പശ്ചിമ ബംഗാളിലെ ബർധമാന് മന്ഡേശ്വര് സ്വദേശികളായ അസ്ഫര് അലി (32), മക്ബൂല് ഷെയ്ക്ക് (36) എന്നിവരാണ് അറസ്റ്റിലായത്. ഇതര സംസ്ഥാന തൊഴിലാളികള്ക്കിടയില് കഞ്ചാവ് വില്പന നടത്തുന്ന സംഘത്തിലെ പ്രധാനികളാണിവരെന്ന് പൊലീസ് പറഞ്ഞു. അസ്ഫര് അലിയാണ് ശനിയാഴ്ച പുലര്ച്ചെ തീവണ്ടി മാർഗം കഞ്ചാവ് എത്തിച്ചത്. വില്പനക്കായി ചെറിയ പാക്കറ്റുകളിലാക്കിയ കഞ്ചാവ് കൊണ്ടോട്ടി നീറ്റാണിമ്മലില് മക്ബൂലിന് കൈമാറാന് ശ്രമിക്കുന്നതിനിടെ ഇരുവരെയും പിടികൂടുകയായിരുന്നു. … Read more