പരപ്പനങ്ങാടി ആലുങ്ങൽ ബീച്ചിൽ കണ്ടത്തിയ അജ്ഞാത മൃതദേഹം; ഇനിയും തിരിച്ചറിഞ്ഞില്ല

മലപ്പുറം: പരപ്പനങ്ങാടി ചെട്ടിപ്പടി ആലുങ്ങൽ ബീച്ചിൽ ബദർപള്ളിക്ക് സമീപം കടൽഭിത്തിക്ക് മുകളിൽ കണ്ടെത്തിയ സ്ത്രീയുടെ മൃതദേഹം ഇനിയും തിരിച്ചറിഞ്ഞില്ല. ഈ മാസം ഒമ്പതിന് രാവിലെയാണ് 40 വയസ് പ്രായവും 150 സെന്റീമീറ്റർ ഉയരവും തോന്നിക്കുന്ന സ്ത്രീയുടെ മൃതദേഹം കണ്ടത്തിയത്. മഞ്ചേരി മെഡിക്കൽ കോളജ് മോർച്ചറിയിൽ സൂക്ഷിച്ചിരുന്ന മൃതദേഹം ആരുടേതെന്ന് തിരിച്ചറിയാതിരുന്നതിനാൽ 12ന് പോസ്റ്റുമോർട്ടം നടത്തി പൊന്നാനി ഈശ്വരമംഗലം പൊതുശ്മശാനത്തിൽ മറവ് ചെയ്തിരുന്നു. പൊന്നാനി തീരദേശ പോലീസ്കേസെടുത്ത് അന്വേഷണം നടത്തിവരികയാണ്. വിവരം ലഭിക്കുന്നവർ 0494 2666989, 9497921212 എന്നീ നമ്പറുകളിൽ ബന്ധപ്പെടണം.