മലപ്പുറം: വളാഞ്ചേരിയിൽ നാലിടത്ത് കാട്ടുപന്നി ആക്രമണം. നാലു വയസുകാരി ഉൾപ്പെടെ ആറുപേർക്ക് പരിക്കേറ്റു. പരിക്കേറ്റവരെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
പാഞ്ഞടുത്ത കാട്ടുപന്നി ആളുകളെ കുത്തിമറിച്ചിടുകയും ചെയ്തു. സ്ത്രീകളും കുട്ടികളും അടക്കമുള്ളവരുടെ മുഖത്തും പുറത്തുമാണ് പരിക്കേറ്റിട്ടുള്ളത്.
കഞ്ഞിപ്പുര, എടയൂർ, സി.കെ. പാറ എന്നിവിടങ്ങളാണ് കാട്ടുപന്നിയുടെ ആക്രമണം ഉണ്ടായത്. പ്രദേശത്ത് ആളുകളെ ആക്രമിക്കുന്നതിന് പുറമെ കൃഷികളും കാട്ടുപന്നികൾ നശിപ്പിക്കുന്നത് നിത്യസംഭവമാണ്.