കൽപകഞ്ചേരി: എം.ഡി.എം.എയും കഞ്ചാവുമായി യുവാവ് അറസ്റ്റിൽ. താനാളൂർ സ്വദേശി ഒരിക്കലപ്പറമ്പിൽ ഫഹദ് മോനെയാണ് (36) കൽപകഞ്ചേരി പൊലീസ് ഇൻസ്പെക്ടർ കെ. നൗഫൽ അറസ്റ്റ് ചെയ്തത്.
രഹസ്യവിവരത്തെ തുടർന്ന് കടുങ്ങാത്തുകുണ്ട് മാമ്പ്രയിലാണ് പ്രതിയെ പിടികൂടിയത്. നാല് ഗ്രാം എം.ഡി.എം.എയും 8.5 ഗ്രാം കഞ്ചാവും കണ്ടെടുത്തു. ലഹരികടത്ത് സംഘത്തിലെ കണ്ണിയായ ഇയാൾക്ക് എം.ഡി.എം.എ എത്തിക്കുന്നവരെപ്പറ്റി അന്വേഷണം നടത്തുകയാണെന്ന് പൊലീസ് പറഞ്ഞു.
പൊലീസുദ്യോഗസ്ഥരായ തോമസ്, ജിജോ, സുരേഷ്, വിനീഷ് എന്നിവരും സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.