അ​ങ്ങാ​ടി​പ്പു​റം ബൈ​പാ​സി​ന് വീ​ണ്ടും പ്ര​തീ​ക്ഷ; കി​ഫ്ബി സം​ഘം 26ന് ​എ​ത്തും

പെ​രി​ന്ത​ൽ​മ​ണ്ണ: 12 വ​ർ​ഷ​മാ​യി മു​ട​ങ്ങി​ക്കി​ട​ക്കു​ന്ന അ​ങ്ങാ​ടി​പ്പു​റം ഓ​രാ​ടം​പാ​ലം-​മാ​ന​ത്തു​മം​ഗ​ലം ബൈ​പാ​സ് റോ​ഡി​നാ​യി കി​ഫ്ബി സം​ഘം സ്ഥ​ല​പ​രി​ശോ​ധ​ന​ക്കെ​ത്തു​ന്ന​ത് പ​ദ്ധ​തി​ക്ക് വീ​ണ്ടും പ്ര​തീ​ക്ഷ​യാ​കു​ന്നു. ദേ​ശീ​യ​പാ​ത​യി​ൽ അ​ങ്ങാ​ടി​പ്പു​റം ഓ​രാ​ടം​പാ​ല​ത്ത​ത്തി​ന് സ​മീ​പ​ത്തു​നി​ന്ന് തു​ട​ങ്ങി പെ​രി​ന്ത​ൽ​മ​ണ്ണ ഊ​ട്ടി റോ​ഡി​ലെ മാ​ന​ത്തു​മം​ഗ​ല​ത്ത് അ​വ​സാ​നി​ക്കു​ന്ന​താ​ണ് നി​ർ​ദി​ഷ്ട ബൈ​പാ​സ്. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തി​ൽ ബൈ​പാ​സ് പൂ​ർ​ത്തി​യാ​ക്കു​ന്ന കാ​ര്യ​വും പ​ര​ഗി​ണ​ന​യി​ലു​ണ്ട്. റോ​ഡി​നാ​യി സ്വ​കാ​ര്യ വ്യ​ക്തി​ക​ളി​ൽ​നി​ന്ന് ഏ​റ്റെ​ടു​ക്കേ​ണ്ട​ത് 36.12688 ഹെ​ക്ട​ർ ഭൂ​മി​യാ​ണ്. 4.01 കി.​മീ ദൂ​രം ഭൂ​മി ഏ​റ്റെ​ടു​ത്ത് റോ​ഡ് നി​ർ​മി​ക്കാ​ൻ 250 കോ​ടി രൂ​പ​യെ​ങ്കി​ലും പ്രാ​ഥ​മി​ക​മാ​യി ക​ണ​ക്കാ​ക്കു​ന്നു. പ​ദ്ധ​തി​ക്ക് ത​യാ​റാ​ക്കി​യ രൂ​പ​രേ​ഖ, ഇ​തു​വ​രെ ന​ട​ത്തി​യ ഒ​രു​ക്ക​ങ്ങ​ൾ എ​ന്നി​വ നേ​രി​ൽ കാ​ണാ​ൻ ഒ​ക്ടോ​ബ​ർ 26ന് ​അ​ങ്ങാ​ടി​പ്പു​റ​ത്ത് ഉ​ദ്യോ​ഗ​സ്ഥ സം​ഘം എ​ത്തു​മെ​ന്നാ​ണ് കി​ഫ്ബി ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​ർ കെ.​എം. അ​ബ്ര​ഹാം, ന​ജീ​ബ് കാ​ന്ത​പു​രം എം.​എ​ൽ.​എ​യെ അ​റി​യി​ച്ച​ത്.