പൊന്നാനി ചമ്രവട്ടം ജങ്ഷനിലെ മേൽപാലത്തിന് താഴെ അടച്ചിട്ട് ദേശീയപാത അധികൃതർ

പൊ​ന്നാ​നി: ച​മ്ര​വ​ട്ടം ജ​ങ്ഷ​നി​ലെ ഫ്ലൈ ​ഓ​വ​റി​നു​താ​ഴെ ഇ​രു​ച​ക്ര വാ​ഹ​ന​ങ്ങ​ൾ​ക്കു​ൾ​പ്പെ​ടെ റോ​ഡ് മു​റി​ച്ചു​ക​ട​ക്കാ​ൻ സൗ​ക​ര്യ​മൊ​രു​ക്ക​ണ​മെ​ന്ന ആ​വ​ശ്യം ശ​ക്തം. സ​ർ​വി​സ് റോ​ഡി​ലെ കാ​ന​ക​ളു​ടെ നി​ർ​മാ​ണം ന​ട​ക്കു​ന്ന​തി​നാ​ൽ ഒ​രു​ഭാ​ഗ​ത്ത് കൂ​ടി മാ​ത്ര​മാ​ണ് വ​ലി​യ വാ​ഹ​ന​ങ്ങ​ളു​ൾ​പ്പെ​ടെ ഇ​രു​വ​ശ​ത്തേ​ക്കു​മാ​യി ക​ട​ന്നു​പോ​കു​ന്ന​ത്.

ഇ​ത് വ​ലി​യ ഗ​താ​ഗ​ത​ക്കു​രു​ക്കി​നും ഇ​ട​യാ​ക്കു​ന്നു​ണ്ട്. ഫ്ലൈ ​ഓ​വ​റി​ന് താ​ഴെ തെ​ക്ക് ഭാ​ഗ​ത്തേ​ക്ക് മാ​റി ഇ​രു​ച​ക്ര വാ​ഹ​ന​ങ്ങ​ൾ​ക്കും മു​ച്ച​ക്ര​വാ​ഹ​ന​ങ്ങ​ൾ​ക്കും കാ​റു​ക​ൾ​ക്കും സ​ർ​വി​സ് റോ​ഡി​ൽ​നി​ന്ന് ക്രോ​സ് ചെ​യ്തു അ​പ്പു​റ​ത്ത് സ​ർ​വി​സ് റോ​ഡി​ലേ​ക്ക് എ​ത്താ​ൻ ഈ ​ഭാ​ഗ​ത്തെ ര​ണ്ട് സ്പാ​നു​ക​ൾ​ക്കി​ട​യി​ലു​ള്ള സ്ഥ​ലം മ​തി​യാ​കു​മെ​ന്നും അ​തി​നു​ള്ള സാ​ഹ​ച​ര്യം ദേ​ശീ​യ​പാ​ത അ​ധി​കൃ​ത​രും പൊ​ന്നാ​നി ന​ഗ​ര​സ​ഭ ട്രാ​ഫി​ക് കൗ​ൺ​സി​ലും സം​വി​ധാ​നം ഒ​രു​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.

നി​ല​വി​ൽ ച​മ്ര​വ​ട്ടം ജ​ങ്ഷ​നി​ൽ തെ​ക്കു​ഭാ​ഗ​ത്തെ സ​ർ​വി​സ് റോ​ഡി​ൽ​നി​ന്നു​വ​രു​ന്ന വാ​ഹ​ന​ങ്ങ​ൾ ച​മ്ര​വ​ട്ടം ജ​ങ്ഷ​നി​ൽ മ​ണി​ക്കൂ​റു​ക​ൾ ഗ​താ​ഗ​ത​ക്കു​രു​ക്ക് കു​ടു​ങ്ങി​ക്കി​ട​ക്കു​ന്ന അ​വ​സ്ഥ​യാ​ണു​ള്ള​ത്. ഇ​ത് നാ​ട്ടു​കാ​ർ​ക്കും ഈ ​പ്ര​ദേ​ശ​ത്ത് ക​ച്ച​വ​ടം ചെ​യ്യു​ന്ന വ്യാ​പാ​രി​ക​ൾ​ക്കും വ​ലി​യ പ്ര​യാ​സ​മാ​ണ് സൃ​ഷ്ടി​ക്കു​ന്ന​ത്.

പൊ​ന്നാ​നി, എ​ട​പ്പാ​ൾ, കു​റ്റി​പ്പു​റം, ഭാ​ഗ​ങ്ങ​ളി​ൽ​നി​ന്നു​ള്ള വാ​ഹ​ന​ങ്ങ​ൾ വ​രു​ന്ന​തു​കൊ​ണ്ടാ​ണ് ഇ​ത്ത​ര​ത്തി​ലു​ള്ള ഗ​താ​ഗ​ത​ക്കു​രു​ക്ക് ച​മ്ര​വ​ട്ടം ജ​ങ്ഷ​നി​ലെ ഫ്ലൈ ​ഓ​വ​റി​ന് സ​മീ​പം ഉ​ണ്ടാ​യി​ക്കൊ​ണ്ടി​രി​ക്കു​ന്ന​ത്.

അ​തു​കൊ​ണ്ടു​ത​ന്നെ ച​മ്ര​വ​ട്ടം ജ​ങ്നി​ലെ ഫ്ലൈ ​ഓ​വ​റി​ന്റെ അ​ൽ​പം തെ​ക്ക് ഭാ​ഗ​ത്താ​യി ര​ണ്ട് സ്പാ​നു​ക​ൾ​ക്കു​ള്ളി​ൽ കൂ​ടെ​യു​ള്ള സ്ഥ​ല​ത്തൂ​ടെ ഇ​രു​ച​ക്ര, മു​ച​ക്ര വാ​ഹ​ന​ങ്ങ​ൾ​ക്കും കാ​റു​ക​ൾ​ക്കും അ​ടു​ത്ത സ​ർ​വി​സ് റോ​ഡി​ലേ​ക്ക് ക്രോ​സ് ചെ​യ്യാ​ൻ സൗ​ക​ര്യം ഉ​ണ്ടാ​ക്കി​യാ​ൽ മേ​ൽ​പ​റ​ഞ്ഞ വാ​ഹ​ന​ങ്ങ​ൾ​ക്ക് സു​ഗ​മ​മാ​യി അ​ടു​ത്ത സ​ർ​വി​സ് റോ​ഡി​ലേ​ക്ക് ക്രോ​സ് ചെ​യ്യാ​ൻ ക​ഴി​യു​ന്ന​തും ഈ ​ഭാ​ഗ​ത്തു​ള്ള ഗ​താ​ഗ​ത​ക്കു​രു​ക്ക് പ​രി​ഹ​രി​ക്കു​വാ​നും ക​ഴി​യു​ന്ന​താ​ണ്. മാ​ത്ര​മ​ല്ല തെ​ക്കു​ഭാ​ഗ​ത്തെ സ​ർ​വി​സ് റോ​ഡി​ലൂ​ടെ വ​രു​ന്ന ചെ​റി​യ ബ​സു​ക​ൾ​ക്ക് പൊ​ന്നാ​നി റോ​ഡി​ലേ​ക്ക് തി​രി​യാ​ൻ വ​ലി​യ പ്ര​യാ​സ​മാ​ണ് നി​ല​നി​ൽ​ക്കു​ന്ന​ത്.

ദേ​ശീ​യ​പാ​ത അ​ധി​കൃ​ത​ർ വി​ഷ​യ​ത്തി​ൽ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ഈ​ഴു​വ​ത്തി​രു​ത്തി യൂ​നി​റ്റ് പ്ര​സി​ഡ​ന്റ് അ​ഡ്വ. കെ.​പി. അ​ബ്ദു​ൽ ജ​ബ്ബാ​ർ, ജ​ന​റ​ൽ സെ​ക്ര​ട്ട​റി ലോ​ഹി​ൽ അ​മീ​ൻ എ​ന്നി​വ​ർ ആ​വ​ശ്യ​പ്പെ​ട്ടു.