ചങ്ങരംകുളം: എടപ്പാളിൽ പ്രായപൂർത്തിയാകാത്ത ആൺകുട്ടിയെ പ്രകൃതിവിരുദ്ധ പീഡനത്തിന് ഇരയാക്കിയ കേസിൽ ഓട്ടോ ഡ്രൈവർ അറസ്റ്റിലായി. വട്ടംകുളം മുതൂർ സ്വദേശി രതീഷി (39)നെയാണ് ചങ്ങരംകുളം എസ് ഐ റോബർട്ട് അറസ്റ്റ് ചെയ്ത‌ത്.
എടപ്പാളിൽ ഓട്ടോ ഡ്രൈവറാണ് പ്രതി. പരിചയത്തിലുള്ള ആൺകുട്ടിയെ കഴിഞ്ഞ ബുധനാഴ്ച വൈകീട്ട് എടപ്പാളിലെ ലോഡ്ജിൽ എത്തിച്ച് ലൈംഗിക അതിക്രമം നടത്തുകയായിരുന്നു. ചങ്ങരംകുളം പൊലീസിന് ലഭിച്ച പരാതിയെ തുടർന്നാണ് ഇയാളെ കസ്റ്റഡിയിലെടുത്തത്. അറസ്റ്റ് രേഖപ്പെടുത്തി കോടതിയിൽ ഹാജരാക്കി.