ജിദ്ദ: ഈ വർഷം ഹജ്ജ് വളൻറിയർ സേവനം ചെയ്ത കൊണ്ടോട്ടി മണ്ഡലത്തിൽനിന്നുള്ള വളൻറിയർമാരെ ആദരിച്ചു. ശറഫിയ ക്വാളിറ്റി ഓഡിറ്റോറിയത്തിൽ നടന്ന ചടങ്ങ് ജിദ്ദ കെ.എം.സി.സി സെൻട്രൽ കമ്മിറ്റി ചെയർമാൻ നിസാം മമ്പാട് ഉദ്ഘാടനം ചെയ്തു.
മണ്ഡലം പ്രസിഡൻറ് കെ.കെ. മുഹമ്മദ് അധ്യക്ഷത വഹിച്ചു. വനിതകളടക്കമുള്ള വളൻറിയർമാരെ ഉപഹാരം നൽകി ആദരിച്ചു. ചടങ്ങിൽ സെൻട്രൽ കമ്മിറ്റി വൈസ് പ്രസിഡൻറ് ഇസ്മാഇൽ മുണ്ടക്കുളം, സെൻട്രൽ കമ്മിറ്റി സെക്രട്ടറി ലത്തീഫ് മുസ്ലിയാരങ്ങാടി, ജില്ല സെക്രട്ടറി ജലാൽ തേഞ്ഞിപ്പലം, കെ.പി. അബ്ദുറഹ്മാൻ ഹാജി, റഷീദ് വാഴക്കാട്, റഹ്‌മത്ത് അലി എരഞ്ഞിക്കൽ, അബ്ബാസ് മുസ്ലിയാരങ്ങാടി, ലത്തീഫ് പൊന്നാട്, ശരീഫ് മഞ്ഞപുലത്ത്, ഹബീബ ജാസ്മി എന്നിവർ സംസാരിച്ചു. സൗദി ഹജ്ജ് സെൽ രജിസ്ട്രേഷൻ വിഭാഗം കൈകാര്യംചെയ്ത കൊണ്ടോട്ടി മുനിസിപ്പൽ കെ.എം.സി.സി ജനറൽ സെക്രട്ടറി കെ.കെ. ഫൈറൂസിനെ ചടങ്ങിൽ ആദരിച്ചു.
മുൻ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തിൽ യോഗം അനുശോചിച്ചു. ലത്തീഫ് വാഴയൂർ, മജീദ് കൊട്ടപ്പുറം, സലീം വാവൂർ എന്നിവർ പരിപാടികൾക്ക് നേതൃത്വം നൽകി. നൗഫൽ കോപ്പിലാൻ ഖിറാഅത്ത് നടത്തി. ജനറൽ സെക്രട്ടറി അൻവർ വെട്ടുപ്പാറ സ്വാഗതവും എം.എം. മുജീബ് നന്ദിയും പറഞ്ഞു.