താനൂർ: ഒരു കിലോഗ്രാമിലധികം വരുന്ന ഹഷീഷ് ഓയിലുമായി മൂവർ സംഘത്തെ താനൂർ ബസ് സ്റ്റാൻഡിൽ നിന്നും പിടികൂടി. വെന്നിയൂർ സ്വദേശികളായ ഷംസിയാദ് (24), മുർഷിദ് (24), അബ്ദുൽ സമീർ (26) എന്നിവരാണ് പിടിയിലായത്.
മലപ്പുറം, കോഴിക്കോട് ജില്ലകളിൽ വ്യാപകമായി മയക്കുമരുന്ന് വിൽപന നടത്തുന്ന സംഘം ട്രെയിൻ വഴിയാണ് താനൂരിലെത്തിയതെന്നാണ് നിഗമനം. കഴിഞ്ഞ ദിവസം പുലർച്ചെ പതിവു പരിശോധനക്കിടെ ബസ് സ്റ്റാൻഡിൽ സംശയകരമായ സാഹചര്യത്തിൽ കണ്ട യുവാക്കളെ സബ് ഇൻസ്പെക്ടർ കൃഷ്ണ ലാലിന്റെ നേതൃത്വത്തിലുള്ള സംഘം വിശദമായി പരിശോധിച്ചപ്പോഴാണ് അന്താരാഷ്ട്ര വിപണിയിൽ അഞ്ച് ലക്ഷത്തിലധികം രൂപ വില വരുന്ന 1.095 കിലോഗ്രാം ഹാഷിഷ് ഓയിൽ ഇവരിൽ നിന്നും പിടിച്ചെടുത്തത്.