ന്യൂനമർദം; മത്സ്യബന്ധന യാനങ്ങൾ കരക്കടുപ്പിച്ചു

പൊ​ന്നാ​നി: ഫി​ൻ​ജാ​ൽ ചു​ഴ​ലി​ക്കാ​റ്റി​നെ​ത്തു​ട​ർ​ന്നു​ണ്ടാ​യ ന്യൂ​ന​മ​ർ​ദ​ത്തി​ന്റെ ഫ​ല​മാ​യി ശ​ക്ത​മാ​യ കാ​റ്റു വീ​ശാ​ൻ സാ​ധ്യ​ത​യു​ള്ള​തി​നാ​ൽ മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ലി​റ​ങ്ങ​രു​തെ​ന്ന മു​ന്ന​റി​യി​പ്പി​നെ​ത്തു​ട​ർ​ന്ന് ബോ​ട്ടു​ക​ൾ ക​ര​ക്ക​ടു​പ്പി​ച്ചു. നേ​ര​ത്തെ മ​ത്സ്യ​ബ​ന്ധ​ന​ത്തി​നി​റ​ങ്ങി​യ ബോ​ട്ടു​ക​ളും ഞാ​യ​റാ​ഴ്ച രാ​ത്രി​യോ​ടെ തി​രി​ച്ചെ​ത്തി​യി​രു​ന്നു. ആ​ഴ​ക്ക​ട​ലി​ൽ മ​ത്സ്യ ബ​ന്ധ​നം ന​ട​ത്തി​യി​രു​ന്ന ബോ​ട്ടു​ക​ളാ​ണ് ക​ര​ക്ക​ടു​പ്പി​ച്ച​ത്.

തീ​ര​ക്ക​ട​ൽ മ​ത്സ്യ ബ​ന്ധ​നം ന​ട​ത്തു​ന്ന ബോ​ട്ടു​ക​ളും വ​ള്ള​ങ്ങ​ളും ക​ര​യി​ൽ ന​ങ്കൂ​ര​മി​ട്ടു. ചെ​റു​വ​ള്ള​ങ്ങ​ൾ പൂ​ർ​ണ​മാ​യും ക​ട​ലി​ലി​റ​ങ്ങി​യി​ല്ല. ജാ​ഗ്ര​ത നി​ർ​ദേ​ശ​ത്തെ​ത്തു​ട​ർ​ന്ന് ദി​വ​സ​ങ്ങ​ളോ​ളം ബോ​ട്ടു​ക​ൾ ക​ര​ക്ക​ടു​പ്പി​ക്ക​ന്ന​തി​നാ​ൽ ല​ക്ഷ​ങ്ങ​ളു​ടെ ന​ഷ്ട​മാ​ണു​ണ്ടാ​കു​ന്ന​ത്. ട്രോ​ളി​ങ് നി​രോ​ധ​നം ക​ഴി​ഞ്ഞു​ള്ള സീ​സ​ണി​ൽ സാ​ധാ​ര​ണ ഗ​തി​യി​ൽ കൂ​ന്ത​ളും, വ​ലി​യ ചെ​മ്മീ​നും ല​ഭി​ക്കാ​റു​ണ്ടെ​ങ്കി​ലും, ഈ ​സീ​സ​ണി​ൽ വ​ലി​യ മ​ത്സ്യ​ങ്ങ​ൾ ഇ​തു​വ​രെ ല​ഭി​ച്ചി​ല്ലെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.

ട്രോ​ളി​ങ് നി​രോ​ധ​ന​ത്തി​ന് ശേ​ഷ​മു​ള്ള ര​ണ്ടു മാ​സ​ക്കാ​ലം ല​ക്ഷ​ങ്ങ​ളു​ടെ വ​ലി​യ മ​ത്സ്യ​മാ​ണ് ല​ഭി​ക്കേ​ണ്ട​ത്. ജി​ല്ല​യി​ലെ മ​ത്സ്യ ബ​ന്ധ​ന തു​റ​മു​ഖ​ങ്ങ​ളി​ൽ പ​ല​പ്പോ​ഴും ആ​ളൊ​ഴി​ഞ്ഞ പ്ര​തീ​തി​യാ​ണ്. ബോ​ട്ടു​ക​ളി​ൽ തൊ​ഴി​ലെ​ടു​ത്ത് ഉ​പ​ജീ​വ​നം തേ​ടു​ന്ന​വ​ർ​ക്കും, ജോ​ലി കു​റ​വാ​യ​തി​നാ​ൽ ഇ​വ​രി​ൽ പ​ല​രും മ​റ്റു തൊ​ഴി​ൽ മേ​ഖ​ല തേ​ടു​ക​യാ​ണ്.

ഇ​ന്ധ​ന വി​ല​വ​ർ​ധ​ന​യും മ​ത്സ്യ​ത്തി​ന് വി​ല ല​ഭി​ക്കാ​ത്ത​തും മൂ​ലം പ​ല ബോ​ട്ടു​ട​മ​ക​ളും ന​ഷ്ടം സ​ഹി​ക്കാ​നാ​വാ​ത്ത​തി​നാ​ൽ ബോ​ട്ടു​ക​ൾ ക​ട​ലി​ലി​റ​ക്കാ​ൻ മ​ടി​ക്കു​ക​യാ​ണ്. പൊ​ന്നാ​നി​യി​ലെ ഭൂ​രി​ഭാ​ഗം ബോ​ട്ടു​ക​ളും ന​ഷ്ടം സ​ഹി​ക്കാ​നാ​വാ​തെ ക​ര​യി​ൽ ത​ന്നെ നി​ർ​ത്തി​യി​ട്ടി​രി​ക്കു​ക​യാ​ണ്.