മലപ്പുറം : ഏഴായിരത്തോളം കുട്ടികൾ പങ്കെടുക്കുന്ന ജില്ലാ ശാസ്ത്ര, സാമൂഹികശാസ്ത്ര, ഗണിതശാസ്ത്ര, ഐ.ടി, പ്രവൃത്തിപരിചയമേളയ്ക്ക്‌ മഞ്ചേരി ഒരുങ്ങി. നവംബർ ഒന്ന്, രണ്ട്, മൂന്ന് തീയതികളിലാണ് മേള. ശാസ്ത്ര നാടകമേള കോട്ടയ്ക്കൽ രാജാസ് ഹയർ സെക്കൻഡറി സ്കൂളിലാണ്. മറ്റുള്ളവ മഞ്ചേരിയിലെ അഞ്ച്‌ സ്കൂളുകളിലായി നടക്കുമെന്ന് സംഘാടകർ പത്രസമ്മേളനത്തിൽ അറിയിച്ചു.
1,600 ചതുരശ്ര അടിയിൽ ഗ്രീൻ നെറ്റ് പന്തൽ അടക്കം 15,000 ചതുരശ്ര അടി പന്തലാണ് മഞ്ചേരിയിൽ ഒരുക്കിയിരിക്കുന്നത്. ഹരിതചട്ടം പാലിച്ചാണ് സംഘാടനം. പ്ലേറ്റും ഗ്ലാസും കുട്ടികൾതന്നെ കൊണ്ടുവരണം. ഒന്നിന് രാവിലെ 10-ന് എച്ച്.എം.വൈ. ഹയർ സെക്കൻഡറി സ്കൂളിൽ ജില്ലാപഞ്ചായത്ത് പ്രസിഡന്റ് എം.കെ. റഫീഖ ഉദ്ഘാടനംചെയ്യും.