മ​ഴ മ​ഴ, ​​ബ്ലോ​ക്ക് ബ്ലോ​ക്ക് മ​ഴ​യെ​ന്നാ​ൽ ഗ​താ​ഗ​ത​ക്കു​രു​ക്ക്

മ​ല​പ്പു​റം: മ​ഴ, മ​ഴ കു​ട, കു​ട എ​ന്ന പ​ഴ​യ പ​ര​സ്യ​വാ​ച​കം ദേ​ശീ​യ​പാ​ത തി​രു​ത്തി​യെ​ഴു​തു​ക​യാ​ണ്. മ​ഴ മ​ഴ ​ബ്ലോ​ക്ക് ബ്ലോ​ക്ക്, മ​ഴ​യെ​ന്നാ​ൽ ഗ​താ​ഗ​ത​ക്കു​രു​ക്ക് എ​ന്ന് തി​രു​ത്തി വാ​യി​ക്ക​ണ​മി​വി​ടെ. മാ​ന​ത്ത് മാ​രി​ക്കാ​ർ വ​രു​മ്പോ​ഴേ​ക്കും ജി​ല്ല​യി​ൽ എ​ൻ.​എ​ച്ച് 66 വ​ഴി ക​ട​ന്നു​പോ​കു​ന്ന വാ​ഹ​ന​ങ്ങ​ൾ അ​തി​വേ​ഗം ര​ക്ഷ​പ്പെ​ട്ടോ​ള​ണം. അ​ല്ലെ​ങ്കി​ൽ ദൂ​ര​യാ​ത്ര​ക്കാ​ർ ല​ക്ഷ്യ​സ​്ഥ​ല​ത്തെ​ത്താ​ൻ നേ​ര​ത്തോ​ട് നേ​ര​മെ​ടു​ത്തേ​ക്കും.

ദേ​ശീ​യ​പാ​ത നി​ർ​മാ​ണം തു​ട​ങ്ങി​യ​തി​ൽ പി​ന്നെ ജി​ല്ല​യി​ലൂ​ടെ ക​ട​ന്നു​പോ​കു​ന്ന വാ​ഹ​ന​ങ്ങ​ളു​ടെ അ​വ​സ്ഥ പ​രി​താ​പ​ക​രം. 76 കി​ലോ​മീ​റ്റ​ർ ദൂ​ര​ത്തി​ലാ​ണ് ഇ​വി​ടെ പാ​ത. മ​ഴ​പെ​യ്താ​ൽ ഇ​ത്ര​യും​ദൂ​രം സ​ഞ്ച​രി​ക്കാ​ൻ അ​ഞ്ച് മ​ണി​ക്കൂ​ർ വ​രെ എ​ടു​ക്കു​ന്നു​വെ​ന്ന് അ​നു​ഭ​വ​സ്ഥ​ർ.

ക​ഴി​ഞ്ഞ ആ​ഴ്ച​ക​ളി​ൽ പെ​യ്ത വേ​ന​ൽ​മ​ഴ​യു​ണ്ടാ​ക്കി​യ ഗ​താ​ഗ​ത​ക്കു​രു​ക്ക് സ​മാ​ന​ത​ക​ളി​ല്ലാ​ത്ത​താ​യി​രു​ന്നു. ആ​റ് മ​ണി​ക്കൂ​ർ വ​രെ ദേ​ശീ​യ​പാ​ത ഗ​താ​ഗ​ത​ക്കു​രു​ക്കി​ൽ നി​ശ്ച​ല​മാ​യി. ഇ​ത്ത​വ​ണ ക​ന​ത്ത കാ​ല​വ​ർ​ഷം പ്ര​തീ​ക്ഷി​ക്കു​ന്നു. എ​ന്ത് മു​ൻ​ക​രു​ത​ലാ​ണ് അ​ധി​കൃ​ത​ർ സ്വീ​ക​രി​ക്കു​ന്ന​തെ​ന്ന് ചോ​ദി​ക്കു​ന്ന​ത് ജ​ന​പ്ര​തി​നി​ധി​ക​ൾ. ഇ​ത് മ​ല​പ്പു​റ​ത്തു​കാ​രെ മാ​ത്രം ബാ​ധി​ക്കു​ന്ന പ്ര​ശ്ന​മ​ല്ല.

കാ​സ​ർ​കോ​ട് മു​ത​ൽ തി​രു​വ​ന​ന്ത​പു​രം വ​​രെ ജി​ല്ല​ക​ളി​ലേ​ക്ക് സ​ദാ സ​ഞ്ച​രി​ച്ചു​കൊ​ണ്ടി​രി​ക്കു​ന്ന വാ​ഹ​ന​ങ്ങ​ൾ നേ​രി​ടു​ന്ന പ്ര​തി​സ​ന്ധി​യാ​ണി​ത്. നി​ർ​മാ​ണം ന​ട​ക്കു​ന്ന​തു​കൊ​ണ്ട് മാ​ത്ര​മു​ള്ള സ്വ​ഭാ​വി​ക ത​ട​സ്സ​മ​ല്ലി​ത്. ദേ​ശീ​യ​പാ​ത​യി​ൽ വ​രാ​നി​രി​ക്കു​ന്ന വ​ലി​യ പ്ര​തി​സ​ന്ധി​യു​ടെ സൂ​ച​ന​യാ​ണ് വേ​ന​ൽ​മ​ഴ​യി​ലെ വെ​ള്ള​പ്പൊ​ക്കം.

ദേ​ശീ​യ​പാ​ത​യോ​ട് ചേ​ർ​ന്ന് നി​ർ​മി​ച്ച ഓ​വു​ചാ​ല​ക​ളു​ടെ ആ​ഴ​ക്കു​റ​വ്, പ്ര​കൃ​തി​യെ പ​രി​ഗ​ണി​ക്കാ​ത്ത രൂ​പ​ക​ൽ​പ​ന, കേ​ര​ള​ത്തി​ലെ ശ​ക്ത​മാ​യ മ​ഴ​യെ പ​രി​ഗ​ണി​ക്കാ​തെ ന​ട​ത്തി​യ ആ​സൂ​ത്ര​ണം എ​ന്നി​വ​യെ​ല്ലാം പ​ദ്ധ​തി​യെ ബാ​ധി​ക്കു​മെ​ന്നാ​ണ് വി​ദ്ഗ​ധ​ർ പ​റ​യു​ന്ന​ത്.

സ​ർ​വി​സ് റോ​ഡു​ക​ളി​ലാ​വും പ്ര​തി​സ​ന്ധി രൂ​ക്ഷ​മാ​വു​ക എ​ന്നാ​ണ് നി​ല​വി​ലെ അ​നു​ഭ​വ​ങ്ങ​ൾ തെ​ളി​യി​ക്കു​ന്ന​ത്. ദേ​ശീ​യ​പാ​ത​ക്ക് സ​മാ​ന്ത​ര​മാ​യി നി​ർ​മി​ക്കു​ന്ന സ​ർ​വി​സ് റോ​ഡു​ക​ളാ​ണ് പ്ര​ദേ​ശ​വാ​സി​ക​ൾ​ക്ക് എ​​പ്പോ​ഴും ഉ​പ​യോ​ഗി​ക്കേ​ണ്ടി​വ​രി​ക.

മ​ഴ പെ​യ്യു​മ്പോ​ഴേ​ക്കും സ​ർ​വി​സ് റോ​ഡു​ക​ളി​ൽ വെ​ള്ളം പൊ​ങ്ങു​ന്ന അ​നു​ഭ​വ​മാ​ണ്. അ​ടി​പ്പാ​ത​യു​ള്ളി​ട​ങ്ങ​ളി​ൽ സ​ർ​വി​സ് ​റോ​ഡ് ഉ​യ​ര​ത്തി​ലാ​ണ്. ഇ​ത്ത​രം റോ​ഡു​ക​ളി​ൽ മ​തി​ലി​ടി​ച്ചി​ലും രൂ​ക്ഷ​മാ​ണ്. ദേ​ശീ​യ​പാ​ത​ക്ക​രി​കി​ലെ സ്കൂ​ളു​ക​ളി​ലേ​ക്ക് സ​ഞ്ച​രി​ക്കു​ന്ന വി​ദ്യാ​ർ​ഥി​ക​ൾ​ക്ക് മ​ഴ​ക്കാ​ലം മ​ഹാ​ക​ഷ്ട​കാ​ല​മാ​വു​മെ​ന്നാ​ണ് മ​ന​സ്സി​ലാ​ക്കേ​ണ്ട​ത്.

മേ​ലെ ചേ​ളാ​രി ചെ​ന​ക്ക​ല​ങ്ങാ​ടി-​മാ​താ​പു​ഴ റോ​ഡ് ജ​ങ​്ഷ​ൻ

ഒ​ഴി​വാ​ക്കാ​വു​ന്ന കു​പ്പി​ക്ക​ഴു​ത്തു​ക​ൾ

മേ​ലെ ചേ​ളാ​രി​യി​ൽ ചെ​ന​ക്ക​ല​ങ്ങാ​ടി-​മാ​താ​പു​ഴ റോ​ഡ് ദേ​ശീ​യ​പാ​ത​യി​ൽ ചേ​രു​ന്നി​ട​ത്ത് കു​പ്പി​ക്ക​ഴു​ത്ത് രൂ​പ​പ്പെ​ട്ടി​രി​ക്ക​യാ​ണ്. ഇ​വി​ടെ അ​ടി​പ്പാ​ത​ക്ക് മു​ക​ളി​ൽ നി​ർ​മി​ച്ച മേ​ൽ​പാ​ല​ത്തി​ൽ​നി​ന്ന് തെ​ന്നി​യാ​ണ് ജ​ങ്ഷ​ൻ. ദേ​ശീ​യ​പാ​ത​യെ തീ​ര​ദേ​ശ​പാ​ത​യു​മാ​യി ബ​ന്ധി​പ്പി​ക്കു​ന്ന​താ​ണ് ചെ​ന​ക്ക​ല​ങ്ങാ​ടി-​മാ​താ​പു​ഴ റോ​ഡ്. അ​തു​കൊ​ണ്ട് ത​ന്നെ ബ​സു​ൾ​പ​ടെ നി​ര​വ​ധി വാ​ഹ​ന​ങ്ങ​ൾ ക​ട​ന്നു​പോ​കേ​ണ്ട ഈ ​ക​വ​ല​യി​ൽ മേ​ൽ​പാ​ല​വും ജ​ങ്ഷ​നും ത​മ്മി​ലെ പൊ​രു​ത്ത​ക്കേ​ട് മേ​ഖ​ല​യി​ൽ ഗ​താ​ഗ​ത​സ്തം​ഭ​ന​ത്തി​ന് കാ​ര​ണ​മാ​വും.

ഐ.​ഒ.​സി (ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ) പ്ലാ​ന്റ് ഇ​തി​ന് സ​മീ​പ​മാ​ണ്. ഇ​വി​ടെ നി​ന്നു​ള്ള ടാ​ങ്ക​ർ ലോ​റി​ക​ൾ ഉ​ൾ​പ്പെ​ടെ ഈ ​ക​വ​ല​യി​ലൂ​ടെ​യാ​ണ് ക​ട​ന്നു​പോ​വേ​ണ്ട​ത്. പ്ര​ശ്നം പ​രി​ഹ​രി​ക്കാ​ൻ ഇ​പ്പോ​ഴേ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.

നി​സ​രി ജ​ങ്ഷ​ൻ തി​രി​ച്ചു​വ​രു​മോ?

രാ​മ​നാ​ട്ടു​ക​ര​യി​ൽ​നി​ന്ന് തൃ​ശൂ​ർ ഭാ​ഗ​ത്തേ​ക്കു​ള്ള ബ​സ് ഉ​ൾ​പ്പെ​ടെ വാ​ഹ​ന​ങ്ങ​ൾ മ​ല​പ്പു​റം-​കോ​ഴി​ക്കോ​ട് ജി​ല്ല അ​തി​ർ​ത്തി​യി​ലെ ഇ​ടി​മു​ഴി​ക്ക​ൽ നി​സ​രി ജ​ങ്ഷ​നി​ൽ എ​ത്തി ദേ​ശീ​യ​പാ​തി​യി​ലേ​ക്ക് നേ​രി​ട്ട് പ്ര​വേ​ശി​ക്കു​ക​യാ​യി​രു​ന്നു പ​തി​വ്. ഇ​ത് പ​രി​ഷ്ക​രി​ച്ചി​രി​ക്ക​യാ​ണ് അ​ധി​കൃ​ത​ർ.

നി​ല​വി​ൽ നി​സ​രി ജ​ങ്ഷ​നി​ൽ വ​ന്ന് വീ​ണ്ടും കോ​ഴി​ക്കോ​ട് ഭാ​ഗ​ത്തേ​ക്ക് സ​ഞ്ച​രി​ച്ച് മേ​ൽ​പാ​ലം വ​ഴി​യും എ​യ​ർ​പോ​ർ​ട്ട് റോ​ഡ് ജ​ങ്ഷ​ൻ ചു​റ്റി​യു​മാ​ണ് വാ​ഹ​ന​ങ്ങ​ൾ ദേ​ശീ​യ​പാ​ത​യി​ലെ​ത്തു​ന്ന​ത്. ഇ​ത് മ​ല​പ്പു​റം കോ​ഴി​ക്കോ​ട് റൂ​ട്ടി​ലും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​വു​ന്നു. വി​ദൂ​ര​സ​ർ​വി​സ് ന​ട​ത്തു​ന്ന ബ​സു​ൾ​പ​ടെ വാ​ഹ​ന​ങ്ങ​ൾ​ക്ക് സ​മ​യ ന​ഷ്ട​വു​മു​ണ്ടാ​ക്കു​ന്നു.

നി​സ​രി ജ​ങ്ഷ​നി​ൽ അ​ണ്ട​ർ​പാ​സ് നി​ർ​മി​ക്കു​ക​യാ​ണ് പ്ര​ശ്ന​ത്തി​ന് പ​രി​ഹാ​രം. ഈ ​ആ​വ​ശ്യ​മു​ന്ന​യി​ച്ച് ചേ​ലേ​മ്പ്ര ഗ്രാ​മ​പ​ഞ്ചാ​യ​ത്തും രാ​മ​നാ​ട്ടു​ക​ര മു​നി​സി​പ്പാ​ലി​റ്റി​യും രം​ഗ​ത്തു​വ​ന്നി​രു​ന്നു.

വ്യാ​പാ​രി സം​ഘ​ട​ന​ക​ളും റ​സി​ഡ​ൻ​സ് അ​സോ​സി​യേ​ഷ​നു​ക​ളും ഇ​വി​ടു​ത്തെ ഗ​താ​ഗ​ത പ​രി​ഷ്കാ​ര​ത്തെ എ​തി​ർ​ത്ത് രം​ഗ​ത്തെ​ത്തി. അ​ണ്ട​ർ​പാ​സ് നി​ർ​മാ​ണ​ത്തി​ന് സാ​​ങ്കേ​തി​ക​ത്വ​മേ​റെ​യു​ണ്ടെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. യാ​ത്ര​ക്കാ​രെ വ​ട്ടം ക​റ​ക്കി​യു​ള്ള ഗ​താ​ഗ​ത പ​രി​ഷ്കാ​ര​ത്തി​ൽ വ്യാ​പ​ക പ്ര​തി​ഷേ​ധ​മാ​ണ് ഉ​യ​ർ​ന്ന​പ്പോ​ൾ ഉ​ദ്യോ​ഗ​സ്ഥ സം​ഘം സ്ഥ​ല​ത്ത് എ​ത്തി​യി​രു​ന്നു. അ​വ​ർ വ​ന്നു​പോ​യ​ത​ല്ലാ​തെ നാ​ട്ടു​കാ​ർ​ക്ക് പ്ര​തീ​ക്ഷ​യി​ല്ല.

ല​ക്ഷ്യം ടോ​ൾ പാ​ത മാ​ത്ര​മോ?; സ​ർ​വി​സ് റോ​ഡ് ഉ​പ​യോ​ഗി​ക്കു​ന്ന​വ​രോ​ട് ചി​റ്റ​മ്മ​ന​യം

തേ​ഞ്ഞി​പ്പ​ല​ത്തെ പ്ര​ധാ​ന റോ​ഡു​ക​ളി​ൽ ഒ​ന്നാ​യ ചേ​ളാ​രി മാ​ത​പു​ഴ റോ​ഡ് തു​ട​ങ്ങു​ന്ന മേ​ലെ ചേ​ളാ​രി ജ​ങ്ഷ​നി​ൽ നി​ർ​മി​ച്ച മേ​ൽ​പാ​ലം ഏ​റ്റ​വും അ​ശാ​സ്ത്രീ​യ​മാ​ണ്. ഇ​തു​മൂ​ലം ഗ​താ​ഗ​ത ത​ട​സ്സം തു​ട​ർ​ക്ക​ഥ​യാ​ണ്. സ​ർ​വി​സ് റോ​ഡു​ക​ളി​ൽ ബ​സ് ബെ ​സൗ​കാ​ര്യ​മോ, ഓ​ട്ടോ പാ​ർ​ക്കി​ങ്ങോ ഒ​രു​ക്കാ​തെ, കു​റ്റ​മ​റ്റ ഡ്രൈ​നേ​ജ് സം​വി​ധാ​നം പോ​ലും ഒ​രു​ക്കാ​തെ​യു​ള്ള നി​ർ​മാ​ണ പ്ര​വ​ർ​ത്ത​നം പ്ര​തി​ഷേ​ധാ​ർ​ഹ​മാ​ണ്.

ല​ക്ഷ്യം ടോ​ൾ പാ​ത മാ​ത്ര​മാ​ണ്. സ​ർ​വി​സ് റോ​ഡ് ഉ​പ​യോ​ഗി​ക്കു​ന്ന​വ​ർ എ​ങ്ങ​നെ​യെ​ങ്കി​ലും പോ​വ​ട്ടെ എ​ന്ന അ​ധി​കാ​രി​ക​ളു​ടെ ധി​ക്കാ​ര​ന​യം അ​നു​വ​ദി​ച്ചു​കൂ​ടാ. വി​ദ്യാ​ഭ്യാ​സ സ്ഥാ​പ​ന​ങ്ങ​ളും ആ​രാ​ധ​ന​ല​യ​ങ്ങ​ളും ക​ച്ച​വ​ട​സ്ഥാ​പ​ങ്ങ​ളു​മു​ള്ള കോ​ഹി​നൂ​ർ പ്ര​ദേ​ശ​ത്ത് അ​ണ്ട​ർ പാ​സോ, ഓ​വ​ർ ബ്രി​ഡ്ജോ ഒ​രു​ക്കാ​തെ​യു​ള്ള നി​ർ​മാ​ണ പ്ര​വ​ർ​ത്ത​നം ജ​ന​ങ്ങ​ളോ​ടു​ള്ള വെ​ല്ലു​വി​ളി​യാ​ണ്.

പ​ല​സ്ഥ​ല​ങ്ങ​ളി​ലും സ​ർ​വി​സ് റോ​ഡു​ക​ൾ പൊ​ളി​ഞ്ഞു​വീ​ഴു​ന്ന​ത് കൂ​ടു​ത​ൽ ആ​ശ​ങ്ക​യു​ണ്ടാ​ക്കു​ന്നു. ദേ​ശീ​യ​പാ​ത വി​ക​സ​നം പ്ര​ദേ​ശ വാ​സി​ക​ളെ​യും സാ​ധാ​ര​ണ​ക്കാ​രെ​യും അ​രി​കു​വ​ത്ക​രി​ക്കു​ന്ന ക​ച്ച​വ​ട​പ്പാ​ത ആ​ക്കു​ന്ന​ത് പ്ര​തി​ഷേ​ധാ​ർ​ഹ​മാ​ണ്- പി​യൂ​ഷ് അ​ണ്ടി​ശ്ശേ​രി (തേ​ഞ്ഞി​പ്പ​ലം പ​ഞ്ചാ​യ​ത്ത് ആ​രോ​ഗ്യ വി​ദ്യാ​ഭ്യാ​സ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ)

(തു​ട​രും)