മഞ്ചേരി: എൻ.ഡി.പി.എസ് കോടതിക്ക് സമീപം കഞ്ചാവ് വിൽപനക്കെത്തിയയാൾ എക്സൈസ് പിടിയിൽ.നിലമ്പൂർ കരുളായി കരീക്കുന്നൻ വീട്ടിൽ മകൻ ഹംസയാണ് (40) പിടിയിലായത്.
എക്സൈസ് കമീഷനറുടെ സ്‌ക്വാഡും മലപ്പുറം എക്സൈസ് ഇന്റലിജൻസും, മഞ്ചേരി എക്സൈസ് റേഞ്ച് സംഘവും സംയുക്തമായി കോടതിപ്പടിക്ക് സമീപം നടത്തിയ പരിശോധനയിലാണ് ഇയാൾ പിടിയിലായത്.
ഇയാളിൽ നിന്ന് 6.630 കിലോ കഞ്ചാവ് പിടിച്ചെടുത്തു. ഒഡിഷയിൽ നിന്ന് കടത്തിക്കൊണ്ട് വന്ന കഞ്ചാവ് ജില്ലയുടെ വിവിധ ഭാഗങ്ങളിൽ മൊത്തമായും ചില്ലറയായും വിൽപ്പന നടത്തിവരികയായിരുന്നു. ഇയാൾ ഒരിടത്തും സ്ഥിരമായി താമസിക്കാറില്ലെന്ന് എക്സൈസ് ഉദ്യോഗസ്ഥർ പറഞ്ഞു.
എക്സൈസ് ഇൻസ്പെക്ടർ ഇ.ടി. ഷിജു, ഇൻറലിജൻസ് വിഭാഗം ഇൻസ്പെക്ടർ മുഹമ്മദ് ഷെഫീഖ്, എക്സൈസ് ഇൻസ്പെക്ടർ ടി. ഷിജുമോൻ, സിവിൽ എക്സൈസ് ഓഫിസർമാരായ രാജൻ നെല്ലിയായി, ജിഷിൽ നായർ, ഇ. അഖിൽ ദാസ്, വി. സച്ചിൻ ദാസ്, സുനീർ, വനിത സിവിൽ എക്സൈസ് ഓഫീസർ കെ.പി. ധന്യ എന്നിവരടങ്ങിയ സംഘമാണ് പ്രതിയെ പിടികൂടിയത്.