കുടുംബശ്രീ തൊഴിൽ മേള
മലപ്പുറം ∙ കുടുംബശ്രീ ജില്ലാ മിഷനും പെരിന്തൽമണ്ണ നഗരസഭയും ചേർന്നു 30ന് പെരിന്തൽമണ്ണ ഗവ.ബോയ്സ് ഹയർ സെക്കൻഡറി സ്കൂളിൽ രാവിലെ 9.30 മുതൽ 3 വരെ തൊഴിൽമേള നടത്തുന്നു. പത്താംക്ലാസ് യോഗ്യത മുതലുള്ള എല്ലാ ഉദ്യോഗാർഥികൾക്കും പങ്കെടുക്കാം. ഏകദേശം 35 കമ്പനികൾ പങ്കെടുക്കുന്ന മേളയിൽ 400 ജോലി ഒഴിവുകൾ പ്രതീക്ഷിക്കുന്നു. റജിസ്ട്രേഷൻ ഫീസില്ല. സ്പോട്ട് റജിസ്ട്രേഷനാണ്. ഒരു ഉദ്യോഗാർഥിക്ക് പരമാവധി 3 കമ്പനികളുടെ അഭിമുഖം മാത്രമേ അനുവദിക്കൂ. ഉദ്യോഗാർഥികൾ ബയോഡേറ്റ (3 കോപ്പി), വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകളുടെ കോപ്പികൾ, ജോലി പരിചയം തെളിയിക്കുന്ന സർട്ടിഫിക്കറ്റുകളുടെ കോപ്പികൾ, പാസ്പോർട്ട്‌ സൈസ് ഫോട്ടോ (3 കോപ്പി) എന്നിവ നിർബന്ധമായും കൊണ്ടുവരണം