നിലമ്പൂർ : നിലമ്പൂർ നഗരസഭാപരിധിയിലെ ഈ വർഷത്തെ കേരളോത്സവ മത്സരങ്ങൾ 26, 27 തീയതികളിലേക്ക് മാറ്റി. നേരത്തേ ഇത് 19, 20 തീയതികളിൽ നടത്തുമെന്നാണ് അറിയിച്ചിരുന്നത്. മാനവേദൻ സ്കൂളിലാണ് വിവിധ മത്സരങ്ങൾ നടത്തുകയെന്ന് നഗരസഭാധികൃതർ അറിയിച്ചു. 22-ാം തീയതി വൈകീട്ട് അഞ്ചുമണിവരെ അപേക്ഷ നൽകാം. അപേക്ഷാഫോമുകൾ നഗരസഭയിൽ ലഭ്യമാണ്. മത്സരാർഥികളുടെ പ്രായപരിധി 15-40. ഫോൺ: 9645749753, 9895677542.
കരുളായി : കാട്ടുപോത്തിനെ വേട്ടയാടി മാംസം കടത്തിയ കേസിൽ ഒരാളെ വനപാലകർ പിടികൂടി. എടക്കര നാരോക്കാവ് മുണ്ടശ്ശേരി ബീരാനെയാണ് പടുക്ക വനം സ്റ്റേഷനിലെ വനപാലകർ അറസ്റ്റുചെയ്തത്. പടുക്ക വനം സ്റ്റേഷൻ പരിധിയിൽ 2021-ലാണ് കേസിനാസ്പദമായ സംഭവം നടന്നത്. സംഭവത്തിലുൾപ്പെട്ട എട്ടോളംപേരെ നേരത്തേ വനപാലകർ പിടികൂടിയിരുന്നു. ഒളിവിൽപ്പോയ ബീരാനെ വെള്ളിയാഴ്ച പുലർച്ചെയാണ് വനപാലകർ പിടികൂടിയത്.
ഇൻസ്ട്രക്ടറുടെ ഒഴിവ് നിലമ്പൂർ : നിലമ്പൂർ ഗവ. ഐ.ടി.ഐ.യിൽ ഡ്രാഫ്റ്റ്സ്മാൻ സിവിൽ ട്രേഡിൽ ഇൻസ്ട്രക്ടറുടെ ഒഴിവിലേക്കുള്ള അഭിമുഖം 25-ന് 11 മണിക്ക് ഓഫീസിൽ നടത്തും. ഫോൺ: 04931 222932
നിലമ്പൂർ: മലേറിയ രോഗ നിയന്ത്രണ ഭാഗമായി നിലമ്പൂർ നഗരസഭ പരിധിയിൽ ജില്ല ആരോഗ്യവകുപ്പിന്റെയും വെക്ടർ കൺട്രോൾ യൂനിറ്റിന്റെയും നേതൃത്വത്തിൽ പരിശോധന നടത്തി. സ്ഥാപനങ്ങളുടെ വാട്ടർ ടാങ്കുകളിൽ മലേറിയ രോഗം പകർത്തുന്ന അനോഫിലസ് കൊതുകിന്റെ കൂത്താടിസാന്നിധ്യം കണ്ടെത്തി. ക്യുലക്സ് കൊതുകളുടെ കൂത്താടികളെയും കണ്ടെത്തി. വി.കെ റോഡിലെ വിവിധ സ്ഥാപനങ്ങളിലെ ഓവർഹെഡ് വാട്ടർ ടാങ്കുകളാണ് പരിശോധിച്ചത്. പല സ്ഥാപനങ്ങളുടെയും ടാങ്കുകൾ വൃത്തിഹീനമായും അടപ്പുപോലുമില്ലാതെയും കണ്ടെത്തി. ടാങ്കുകൾ ഉടൻ വൃത്തിയാക്കാനും ശരിയായ രീതിയിൽ അടച്ചുസൂക്ഷിക്കാനും നിർദേശം നൽകി. 19 കെട്ടിടങ്ങളിലായി 29 … Read more
മലപ്പുറം ∙ റോളർ സ്കേറ്റിങ് അസോസിയേഷൻ ജില്ലാ കമ്മിറ്റി സംഘടിപ്പിക്കുന്ന ജില്ലാതല ചാംപ്യൻഷിപ് 22നും 23നും കോട്ടയ്ക്കൽ എകെഎംഎച്ച്എസ്എസിൽ നടക്കും. റിങ്, റോഡ് ഇനങ്ങളിലായി വിവിധ മത്സരങ്ങൾ സംഘടിപ്പിക്കും. വിവിധ പ്രായപരിധികളിലുള്ള 6 വിഭാഗങ്ങളിലായാണ് മത്സരങ്ങളെന്ന് ഭാരവാഹികളായ ബി.പി.രഘുരാജ്, ആർ.ബിനോയി എന്നിവർ പറഞ്ഞു.വ്യക്തിഗത വിഭാഗങ്ങൾക്കു പുറമേ ടീം ഇനത്തിൽ റോളർ ഹോക്കി മത്സരവും സംഘടിപ്പിക്കുന്നുണ്ട്. ജില്ലാ ചാംപ്യൻഷിപ്പിൽ നിന്ന് തിരഞ്ഞെടുക്കപ്പെടുന്നവർക്ക് സംസ്ഥാന തല മത്സരങ്ങളിൽ പങ്കെടുക്കാം.
മലപ്പുറം: പുന്നപ്പുഴയില് അധ്യാപകനെ മരിച്ച നിലയില് കണ്ടെത്തിയ സംഭവം കൊലപാതകമെന്ന് പൊലീസ്. മുണ്ടേരി സര്ക്കാര് സ്കൂളിലെ അധ്യാപകന് ബാബുവിന്റെ മരണമാണ് കൊലപാതകമെന്ന് കണ്ടെത്തിയത്. കേസുമായി ബന്ധപ്പെട്ട് ഉദിരകുളം സ്വദേശി ബിജു, കാമുകി മൂത്തേടം സ്വദേശി ലത എന്നിവരെ പൊലീസ് അറസ്റ്റ് ചെയ്തു. മദ്യപാനത്തിന് പിന്നാലെയുണ്ടായ തര്ക്കമാണ് കൊലപാതക കാരണം. എടക്കര ബെവ്കോയില് നിന്നും മദ്യം വാങ്ങുന്നതിനിടെ ഒരു മാസം മുമ്പാണ് മൂവരും തമ്മില് പരിചിതരാകുന്നത്. ഇക്കഴിഞ്ഞ സെപ്തംബര് ഏഴിന് മൂന്നുപേരും എടക്കര കാറ്റാടി പാലത്തിന് അടിയില് താമസിച്ച് വരുന്ന ലതയുടെ … Read more