ഉപ്പയുടെ ക​ൺ​മു​ന്നി​ൽ നി​ന്ന് മ​ക​ൻ ഒ​ഴു​ക്കി​ൽ മ​റ​ഞ്ഞു; ദുരന്തം വിട്ടൊഴിയാതെ മലപ്പുറത്തെ പുത്തൂർ തോട്

തേ​ഞ്ഞി​പ്പ​ലം: ഒ​ടു​വി​ൽ പു​ത്തൂ​ർ തോ​ട്ടി​ൽ ഒ​ഴു​ക്കി​ൽ​പെ​ട്ട മു​ഹ​മ്മ​ദ് റി​ഷാ​ലും യാ​ത്ര​യാ​യി. പി​താ​വി​ന്റെ ക​ൺ​മു​ന്നി​ൽ നി​ന്നാ​ണ് മ​ക​ൻ ഒ​ഴു​ക്കി​ൽ മ​റ​ഞ്ഞ​ത്. ഓ​ർ​ക്കാ​ൻ പോ​ലും ക​ഴി​യാ​തെ വി​തു​മ്പു​ക​യാ​ണ് ആ ​കു​ടും​ബം. ശ​ക്ത​മാ​യ അ​ടി​യൊ​ഴു​ക്കാ​ണ് അ​പ​ക​ട കാ​ര​ണം. ഇ​നി ഒ​രു ദു​ര​ന്തം ഉ​ണ്ടാ​വ​രു​തേ എ​ന്ന പ്രാ​ർ​ഥ​ന​യി​ലാ​ണ് നാ​ട്ടു​കാ​ർ.

പു​ത്തൂ​ർ വ​ലി​യ തോ​ട് എ​ന്നും അ​പ​ക​ട​കേ​ന്ദ്ര​മാ​ണ്. ര​ണ്ട് പ​തി​റ്റാ​ണ്ടി​നി​ടെ ഇ​വി​ടെ നി​ര​വ​ധി പേ​രു​ടെ ജീ​വ​നാ​ണ് പൊ​ലി​ഞ്ഞ​ത്. നീ​ന്ത​ൽ അ​റി​യു​ന്ന​വ​ർ പോ​ലും ഒ​ഴു​ക്കി​ൽ​പെ​ടു​ന്ന വി​ധം കു​ത്തൊ​ഴു​ക്കാ​ണ് ഇ​വി​ടെ. ര​ണ്ട് പ​തി​റ്റാ​ണ്ടി​നി​ടെ കു​ട്ടി​ക​ളും മു​തി​ർ​ന്ന​വ​രും ഉ​ൾ​പ്പെ​ടെ പ​ത്തോ​ളം പേ​ർ ഒ​ഴു​ക്കി​ൽ​പെ​ട്ട​താ​യി നാ​ട്ടു​കാ​ർ പ​റ​യു​ന്നു. ക​ട​ലു​ണ്ടി​പ്പു​ഴ​യി​ലേ​ക്ക് ചെ​ന്ന് ചേ​രു​ന്ന തോ​ടാ​ണി​ത്. അ​തി​നാ​ൽ ത​ന്നെ ഒ​ഴു​ക്കി​ൽ​പ്പെ​ടു​ന്ന​വ​രെ ക​ണ്ടെ​ത്ത​ൽ ഏ​റെ ശ്ര​മ​ക​ര​മാ​ണ്. പ​ല​രു​ടെ​യും മൃ​ത​ദേ​ഹ​ങ്ങ​ൾ മൂ​ന്നും നാ​ലും ദി​വ​സ​ത്തെ തി​ര​ച്ചി​ലി​നൊ​ടു​വി​ലാ​ണ് ക​ണ്ടെ​ത്തി​യ​ത്.

ഏ​ക​ദേ​ശം ഒ​ന്ന​ര മ​ണി​ക്കൂ​ർ തു​ട​ർ​ച്ച​യാ​യ തി​ര​ച്ചി​ലി​ലാ​ണ്​ മ​ല​പ്പു​റം നി​ല​യ​ത്തി​ലെ ഫ​യ​ർ ഓ​ഫി​സ​റും മു​ങ്ങ​ൽ വി​ദ​ഗ്ധ​നു​മാ​യ കെ.​എം. മു​ജീ​ബ് മു​ഹ​മ്മ​ദ് റി​ഷാ​ലി​ന്‍റെ മൃ​ത​ദേ​ഹം ക​ണ്ടെ​ടു​ത്ത​ത്. ആം​ബു​ല​ൻ​സി​ൽ മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി. മ​ല​പ്പു​റം നി​ല​യ​ത്തി​ൽ​നി​ന്നും സീ​നി​യ​ർ ഫ​യ​ർ ഓ​ഫി​സ​ർ കെ. ​സി​യാ​ദ്, ഫ​യ​ർ ഓ​ഫി​സ​ർ​മാ​രാ​യ വി.​പി. നി​ഷാ​ദ്, കെ.​എം. മു​ജീ​ബ്, കെ.​ടി. സാ​ലി​ഹ് എ​ന്നി​വ​രാ​ണ് തി​ര​ച്ചി​ൽ ന​ട​ത്തി​യ​ത്. മീ​ൻ​ച​ന്ത ഫ​യ​ർ സ്റ്റേ​ഷ​നി​ലെ ഉ​ദ്യോ​ഗ​സ്ഥ​രും തി​ര​ച്ചി​ൽ ന​ട​ത്തി​യി​രു​ന്നു. വൈ​റ്റ് ഗാ​ർ​ഡ് വ​ള​ന്റി​യ​ർ​മാ​ർ ഉ​ൾ​പ്പെ​ടെ നി​ര​വ​ധി സ​ന്ന​ദ്ധ സം​ഘ​ട​ന​ക​ളും തി​ര​ച്ചി​ലി​ന് നേ​തൃ​ത്വം ന​ൽ​കി.