അ​ര​ക്കോ​ടി ചെ​ല​വി​ൽ നി​ർ​മി​ച്ച സ​ർ​ക്കാ​ർ കെ​ട്ടി​ടം അ​നാ​ഥം

വേ​ങ്ങ​ര: ജലനിധി പദ്ധതിക്കായി നിർമിച്ച 1500 ച​തു​ര​ശ്ര​യ​ടി വി​സ്തീ​ർ​ണ്ണ​ത്തി​ലു​ള്ള കെ​ട്ടി​ടം അ​നാ​ഥ​മാ​വു​ന്നു. വേ​ങ്ങ​ര പ​ഞ്ചാ​യ​ത്തി​ലെ പാ​ണ്ടി​ക​ശാ​ല​യി​ൽ വ​ലി​യോ​റ വാ​ക്കി​ക​യം റെ​ഗു​ലേ​റ്റ​റി​ന് സ​മീ​പ​ത്താ​യി നി​ർ​മി​ച്ച ഇ​രു​നി​ല കെ​ട്ടി​ട​മാ​ണ് അ​നാ​ഥ​മാ​യ​ത്.

അ​ഞ്ചു​വ​ർ​ഷം മു​മ്പ് വാ​ക്കി​ക്ക​യം റെ​ഗു​ലേ​റ്റ​ർ നി​ർ​മാ​ണ ഭാ​ഗ​മാ​യാ​ണ് ലോ​ക​ബാ​ങ്ക് ഫ​ണ്ടു​പ​യോ​ഗി​ച്ച് ജ​ല​നി​ധി പ​ദ്ധ​തി​ക്കാ​യി ഇ​റി​ഗേ​ഷ​ൻ വ​കു​പ്പ് ഈ ​കെ​ട്ടി​ടം നി​ർ​മി​ച്ച​ത്. തി​രൂ​ര​ങ്ങാ​ടി ഇ​റി​ഗേ​ഷ​ൻ ഓ​ഫി​സ് വി​ഭ​ജി​ച്ചു വേ​ങ്ങ​ര നി​ല​വി​ൽ​വ​ന്നെ​ങ്കി​ലും വേ​ങ്ങ​ര​യു​ടെ ഓ​ഫി​സ് പ്ര​വ​ർ​ത്തി​ക്കു​ന്ന​ത് ഇ​പ്പോ​ൾ മ​ല​പ്പു​റ​ത്താ​ണ്. ഈ ​ഓ​ഫി​സ് വേ​ങ്ങ​ര​യി​ൽ നി​ർ​മി​ച്ച കെ​ട്ടി​ട​ത്തി​ലേ​ക്ക് മാ​റ്റ​ണ​മെ​ന്ന് ക​ർ​ഷ​ക​ർ വ​ർ​ഷ​ങ്ങ​ളാ​യി ആ​വ​ശ്യ​പ്പെ​ടു​ന്നു​ണ്ടെ​ങ്കി​ലും ന​ട​പ്പാ​യി​ല്ല.

സ്ഥ​ല​ത്തി​ന്റെ ഉ​ട​മ​സ്ഥാ​വ​കാ​ശ​ത്തെ ചൊ​ല്ലി​യു​ള്ള ത​ർ​ക്ക​മാ​ണ് കെ​ട്ടി​ടം അ​നാ​ഥ​മാ​കാ​ൻ കാ​ര​ണ​മെ​ന്ന് നാ​ട്ടു​കാ​ർ പ​റ​യു​ന്നു. എ​ന്നാ​ൽ, സ​ർ​ക്കാ​ർ സ്ഥ​ല​ത്ത് ഇ​റി​ഗേ​ഷ​ൻ വ​കു​പ്പ് നി​ർ​മി​ച്ച കെ​ട്ടി​ട​ത്തി​ന്റെ ഉ​ട​മ​സ്ഥാ​വ​കാ​ശം അ​വ​ർ​ക്ക് ഇ​ല്ലെ​ന്ന് പ​റ​യു​ന്ന​ത് ശു​ദ്ധ അ​സം​ബ​ന്ധ​മാ​ണെ​ന്ന് ജ​ല​നി​ധി പ്രോ​ജ​ക്ട് ഡെ​പ്യൂ​ട്ടി ഡ​യ​റ​ക്ട​ർ പ്ര​ദീ​പ്‌ ‘മാ​ധ്യ​മ’​ത്തോ​ട് പ​റ​ഞ്ഞു.

ജ​ല​നി​ധി ന​ൽ​കി​യ ലോ​ക​ബാ​ങ്ക് ഫ​ണ്ടു​പ​യോ​ഗി​ച്ച് നി​ർ​മി​ച്ച കെ​ട്ടി​ട​ത്തി​ന്റെ ഉ​ട​മ​സ്ഥാ​വ​കാ​ശം മൈ​ന​ർ ഇ​റി​ഗേ​ഷ​ന് കൈ​മാ​റി​യി​ട്ടി​ല്ലെ​ന്ന​താ​ണ് ഇ​റി​ഗേ​ഷ​ൻ വ​കു​പ്പ് ഉ​ദ്യോ​ഗ​സ്ഥ​രു​ടെ വാ​ദം.

അ​ര​ക്കോ​ടി രൂ​പ ചെ​ല​വി​ൽ ആ​ധു​നി​ക രീ​തി​യി​ൽ നി​ർ​മി​ച്ച കെ​ട്ടി​ടം വ​യ​റി​ങ് ജോ​ലി​ക​ൾ ഉ​ൾ​പ്പെ​ടെ മു​ഴു​വ​ൻ ജോ​ലി​ക​ളും പൂ​ർ​ത്തി​യാ​യി​ട്ടു​ണ്ട്. വൈ​ദ്യു​തി ക​ണ​ക്ഷ​ൻ ല​ഭി​ക്ക​ൽ മാ​ത്ര​മാ​ണ് ബാ​ക്കി​യു​ള്ള​ത്.

ഒ​രു വ​ർ​ഷം മു​മ്പ് അ​നു​വ​ദി​ച്ച മൈ​ന​ർ ഇ​റി​ഗേ​ഷ​ൻ വേ​ങ്ങ​ര സെ​ക്ഷ​ൻ ഓ​ഫി​സ് പ്ര​വ​ർ​ത്തി​ക്കാ​ൻ കെ​ട്ടി​ട സൗ​ക​ര്യ​മി​ല്ലാ​തെ പ്ര​തി​സ​ന്ധി​യി​ലാ​യി​ട്ടും ഈ ​കെ​ട്ടി​ടം ഏ​റ്റെ​ടു​ക്കാ​ൻ ത​യാ​റാ​യി​ല്ലെ​ന്ന് നാ​ട്ടു​കാ​ർ ആ​ക്ഷേ​പ​മു​ന്ന​യി​ക്കു​ന്നു.

വൈ​ദ്യു​തി ക​ണ​ക്ഷ​ന് അ​പേ​ക്ഷ ന​ൽ​കാ​ൻ ബ​ന്ധ​പ്പെ​ട്ട​വ​രോ​ട് ആ​വ​ശ്യ​പ്പെ​ട്ടി​ട്ടും കെ​ട്ടി​ടം കൈ​മാ​റി കി​ട്ടി​യി​ട്ടി​ല്ലെ​ന്ന് കാ​ര​ണം പ​റ​ഞ്ഞ് ഉ​ദ്യോ​ഗ​സ്ഥ​ർ ഒ​ഴി​ഞ്ഞു മാ​റു​ക​യാ​ണ്. അ​തേ​സ​മ​യം ക​ട​ലു​ണ്ടി​പ്പു​ഴ​യു​ടെ പു​റ​മ്പോ​ക്കി​ൽ അ​ഞ്ചു സെ​ന്‍റ് വ​രു​ന്ന സ്ഥ​ല​ത്ത് നി​ർ​മി​ച്ച ഈ ​കെ​ട്ടി​ടം വേ​ങ്ങ​ര ഗ്രാ​മ​പ​ഞ്ചാ​യ​ത്തി​ന് കൈ​മാ​റ​ണ​മെ​ന്ന് ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും ജ​ല​വി​ഭ​വ മ​ന്ത്രി​ക്കും വാ​ർ​ഡ് മെം​ബ​ർ യൂ​സു​ഫ​ലി വ​ലി​യോ​റ ക​ത്ത് ന​ൽ​കി​യെ​ങ്കി​ലും ന​ട​പ​ടി​യാ​യി​ല്ലെ​ന്ന് പ​രാ​തി​യു​ണ്ട്. കെ​ട്ടി​ടം അ​നാ​ഥ​മാ​യ​തോ​ടെ ഇ​വി​ടം തെ​രു​വു നാ​യ്ക്ക​ളു​ടെ വി​ള​യാ​ട്ട കേ​ന്ദ്ര​മാ​യി.