ക​രു​വാ​ര​കു​ണ്ട് വ​ട്ട​മ​ല​യി​ൽ വീ​ണ്ടും ക​ടു​വ ആ​ടുകളെ കൊ​ന്നു;ആ​ക്ര​മ​ണം ഉ​ട​മ​യു​ടെ മു​ന്നി​ൽ​വെ​ച്ച്

ക​രു​വാ​ര​കു​ണ്ട്: ഇ​ട​വേ​ള​ക്കു ശേ​ഷം വ​ട്ട​മ​ല​യി​ലെ ജ​ന​വാ​സ കേ​ന്ദ്ര​ത്തി​ൽ വീ​ണ്ടും ക​ടു​വ​യു​ടെ ആ​ട് വേ​ട്ട. റ​ബ​ർ തോ​ട്ട​ത്തി​ൽ മേ​യു​ക​യാ​യി​രു​ന്ന ആ​ടുകളെ ഉ​ട​മ​യു​ടെ മു​ന്നി​ൽ​വെ​ച്ചാ​ണ് ക​ടു​വ ആ​ക്ര​മി​ച്ച​ത്.

പു​ൽ​വെ​ട്ട ക​രി​ങ്ക​ന്തോ​ണി വ​ട്ട​മ​ല റോ​ഡി​ൽ ശ​നി​യാ​ഴ്ച വൈ​കീ​ട്ടാ​ണ് സം​ഭ​വം. ആ​ട് ക​ർ​ഷ​ക​ൻ കൂ​ടി​യാ​യ പ​ന​ന്തോ​ട്ട​ത്തി​ൽ സി​ബി ത​ന്റെ അ​ഞ്ച് ആ​ടു​ക​ളെ മേ​യ്ക്കു​ന്ന​തി​നി​ടെ പ​തു​ങ്ങി​യെ​ത്തി​യ ക​ടു​വ ആ​ടി​നു മേ​ൽ ചാ​ടി​വീ​ഴു​ക​യാ​യി​രു​ന്നു.

സി​ബി ബ​ഹ​ളം വെ​ച്ച​തി​നെ തു​ട​ർ​ന്ന് പി​ൻ​വ​ലി​ഞ്ഞ ക​ടു​വ വീ​ണ്ടും തി​രി​കെ​യെ​ത്തി. ബ​ഹ​ളം തു​ട​ർ​ന്ന​തോ​ടെ അ​ത്​ വീ​ണ്ടും കാ​ട്ടി​ൽ മ​റ​ഞ്ഞു. ആ​ക്ര​മ​ണ​ത്തി​ൽ ക​ഴു​ത്തി​ന് ക​ടി​യേ​റ്റ ആ​ട് ച​ത്തു. ആക്രമണത്തിൽ പ​രി​ക്കേ​റ്റ ആ​ട്ടി​ൻ​കു​ട്ടി ഞാ​യ​റാ​ഴ്ച ഉ​ച്ച​ക്ക് ഒ​ന്ന​ര​യോ​ടെ​യും ച​ത്തു. വ​ന​പാ​ല​ക​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. വെ​റ്റ​റി​ന​റി ഡോ​ക്ട​ർ പോ​സ്റ്റ്മോ​ർ​ട്ടം ന​ട​ത്തി​യ ശേ​ഷം ആ​ടി​ന്റെ ജ​ഡം സം​സ്ക​രി​ച്ചു. ക​ഴി​ഞ്ഞ വ​ർ​ഷം വ​ട്ട​മ​ല​യു​ടെ മു​ക​ളി​ൽ ക​ടു​വ​യെ​യും ര​ണ്ടു കു​ട്ടി​ക​ളെ​യും ക​ണ്ടി​രു​ന്നു. ഇ​ന്ന​ലെ നി​റ​യെ വീ​ടു​ക​ളു​ള്ള ഭാ​ഗ​ത്താ​ണ് ക​ടു​വ​യെ​ത്തി​യ​ത്.